Mae Yma Nawr / 今、ここに立つ / Here & Now yn gomic straeon bywyd sy’n cynnwys pedair stori a gyd-grëwyd gyda phobl sy’n byw gyda dementia a’u teuluoedd yng Nghymru a Japan. Mae wedi’i chyhoeddi mewn tair fersiwn iaith: Cymraeg, Japaneg a Saesneg.

Cafodd y comic ei greu drwy gydweithrediad rhyngwladol rhwng Re-Live yng Nghymru a Sefydliad Lles Cymdeithasol Tenjin-kai yn Ofunato, Japan. Mae’n dod â dwy stori o Gymru a dwy o Japan ynghyd, ac mae wedi’i gyhoeddi yn Saesneg, Cymraeg a Japaneg fel rhan o Flwyddyn Ddiwylliannol Cymru–Japan.

Mae’r straeon personol iawn hyn yn ein gwahodd i mewn i fywydau pedwar o bobl, ac yn dangos cyfoeth a chymhlethdod bywyd gyda dementia. Gan ddod â thraddodiad manga Japan ac agwedd Re-Live at greu comics straeon bywyd ynghyd, maen nhw’n cynnig ffordd newydd o rannu straeon personol ar draws ieithoedd a diwylliannau.

Mae’r prosiect hwn wedi’i gefnogi gan:

Celfyddydau Rhyngwladol Cymru, Cyngor Celfyddydau Cymru, British Council | Cymru, Tenjin-kai, Japan.